طلعتين ماهم عاديات لشاعر الصحراء

استعرض الموضوع السابق استعرض الموضوع التالي اذهب الى الأسفل

طلعتين ماهم عاديات لشاعر الصحراء

مُساهمة  Admin في الإثنين يونيو 02, 2008 10:39 pm

ذو الطلع الثنتين ريتهم متروغات فمنتدى سجناء الرأي والمفقودين واخترت انوخظهم الاه اياك المهتمين بالشعر يطلعو اعليهم ويحتفظو بيهم ، بي باط ازيانو عندي حتى واخترت نشتركهم مع رواد المندى الأدبي ، وراني طالب السماح من شاعر الصحراء على ذا لقتباس وطالب منو المزيد من الشعر والكيفا الوطنية




الطلعة الأولى إلى كل المناضلين




صمت الحق وقهر اليقين واعتقال الحقوقين
وبط الناثي ماهو فالدين والتركة والشيب لكبار
وتخريب اديار المساكين وسكات الرجلي عن تكرار
كولت نحنا صحراويين اعدونا واياه اعلى نار
ما نصتهدو وابعيد البين اثنين النار اولا عمار
واحنا واياهم مفتصلين ومن مذال انزل حق الجار
من ساعت دخلو مجتاحين لرض اخلاو الجدب ولخظار
وضاع الدين وضاع النسب وضاع المال اوضاع العقار
والطبع افسد وافسد لدب ولحترام اوضاع الوقار

ما معقول اتمو عديان الله ابطو فالصبيان
ويلجاو الى حبس الشبان ونهك الحرمات وتكسار
الممتلكات وحرمان الشعب امن وصول الخيار
الوحيد الطينا شجعان امن اجلو واعطينا لبرار
اعلاه اخلك فينا لحران اتغير فينا كد اغيار
صابونا نوبات الحمان اتلاهينا ذاك ازنار
انحانو بي كي مون افلان اجديد انحانو شي قرار
اجديد انحانو شعب انهان من هذا من طول انتظار
ضاع الدين اوضاع النسب وضاع المال وضاع العقار
والطبع افسد وافسد لدب ولحترام وضاع الوقار

كومو ما من عادتكم حك العتمة واكبيطت مبرك
ماهو مبرك للحرب انسك فيه انصب امصر التعمار
وبيه الجلد اشعرن واحرك وبيه ارد الشعب اعتبار
الحق وبيه افطن يسمك خيمة لمن امع لستقرار
وارد اعتبار النسب والمال الايو والعقار
اردو والطبع ولدب والدين البلدو والوقار






الطلعة الثانية للمناضلة امينتو حيدار




عزمك شور التحرير اعطات شكوت لبنو زبدت لمخيظ
وامحصولو لنتصرات ومجد اكبير امبروك واغليظ
احفول امينتو حيدار امتين اعلى غيد التشهار
ازين هو واكبر مقدار بيه امن الدم ابخط اعريظ
خطت حنتها شمس انهار ماهو بتعتيع اتكرويظ
اللسنة واعطات اختيار الشعب وصدت شور انفيظ
ازرب لعدو واكدات النار فيه ابعزم وصمود وغيظ
ماهي رزحانه كاست ثار الشعب وجابت منو فيظ
بيه اعقل لعدو جن طار بحمار املاحف كانو بيظ
مخ لمك يانبعت لحرار يالمجد المتواصل لغليظ
عزمك
avatar
Admin
Admin

المساهمات : 113
تاريخ التسجيل : 01/06/2008
العمر : 37
الموقع : chbablaayoune

معاينة صفحة البيانات الشخصي للعضو http://nouralhayat.akbarmontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى